BGC/BST
November 19, 2008 – 5:21 pmEeeehhhh……baik tah kamu bawa istigfar eh sal apa yang kena buat sal company di atas atu ah. Yang membagi heran nya mengapa tah masih betunggu keraja sana kalau kamu atu inda puas hati. Macam inda waras jua cara orng complaint atu, mengata2 pasal staff sana, antah2 cerita atu cuma mendengar d hujung and di sebab kam malu kali inda kena bayar gaji, d buat lah ceta labih2. ani tah nama nya FITNAH kali ah, buleehhh….
Tapi ada kah kamu sedar apa yang sudah d beri oleh company atu arah kamu, tapi sal keburukan, di hamburkan ceta yang labih2 atau banar inda tah ku tau. Kalau lah banar mengapa tah inda d bawa berunding usai2.
mmmpphh….sal pemotongan gaji atu??? setuju ku tu eh, cuba kamu ingat, kalau lah amah d rumah kamu atu inda keraja sehari saja, antah eh, tampik kali rumah ah memarahi amah kamu atu. Rata2 ku dengar kalau amah minta cuti sehari udah tia bising, iatah perangai orang tani tu and lagi setahu ku kalau keraja arah kerajaan pun lau kamu inda datang keraja pun kena buang kali ah. Jadi nya kalau kamu inda puas hati sama BGC/BST atu, beranti pulang jangan pulang d tunggu, banyak lagi keraja d Brunei ani yang d Buat oleh orng luar negeri. seperti, orng motong rumput d tepi jalan, semua nya berbangsa india/bangladesh, ada orang Brunei????? kan complaint pandai tapi inda mau menerima kenyataan.
Tau kamu kah BGC atu kepunyaan kerajaan, 80% kerajaan, cukup untuk membayar gaji orng tani d jabatan kerajaan atu kali. dari mana kan usin gaji yang kamu terima and pakai untuk membagi makan minum anak2 kamu, pakai membayar talipon kamu atu. BGC adalah salah satunya company Brunei yang contribute untuk memasukkan usin ke Brunei ani. Aku ani inda pulang memihak mana mana, tapi kalau tah banar apa yang kena tulis atu, baik tah kitani ambil sebagai iktibar/pengajaran supaya dapat d usaha menjadi baik, andanganya kitani ani inda dapat melayan semua masalah perangai manusia ani, anak 5 orng d rumah pun inda kan tekabir membari kan apa2. and kepada yang membuat gossip/FITNAh atu baik tah bawa berunding bisai2 and cari punca nya and ingat apa yang company bagi arah kamu semua, GAJI, ELAUN, BONUS and apa2 lagi lah. Kalau sudah cani iatah Company inda kan bagi mua arah pekerja nya, di sebab kan kamu or siapa yang membuat ceta atu, orng yang inda bedosa tekena di sebab kan kamu tu.
Kalau pasal keburukan atu, adeh deh… cerita betukar ani wah, bulih katakan jadi fitnah apa lagi sampai menyabut orng2 sana and menghina compani lain lagi tu, jgn d bandingkan catu.
Tau kah kamu ceta orng BST atu, cemana ia melayan durang? apa yang ku dengar dari kawan2, ada yang sampai mengugut d SMS ani bah, iatah orng brunei baik tu, lau tah banar ia atu jahat, report plng arah orng atasan, ani apa, SMS kan mengugut and iatah pandainya tu, kan bekelahi, sudah bemara kena report baru tah kan menyesal.
Yang bisai nya, berunding tah usai2 and sama2 tah mendengar apa masaalah yang sebenar nya, kalau pelakian kamu atu keja arah company lain sama tah jua tu complain nya kali ah. Baik tah sadar2 sikit ah, bah atu saja and adang tah menghambur kan FITNAH or GOSSIP inda berasas ani. Basar dosa nya and payah kan minta maaf tu. Bah…….
This post was submitted by GoodMAXXgood.
12 Responses to “BGC/BST”
urang opis kali ko ani …mun urg kapal tau ia kan jarih urg d kapal…,apa jasa durng ahhh cuba ku betanya….???yg baru2 ani pasal mengatur kerita utk urg shore leave contoh nya…bunyi dalam memo untuk keselamatan crew konon..kalo untuk keselamatan crew kenapa urg off sign balik kapal nda kana antar jua…mun durng kan ingau kan keselamatan crew…bagitau saja durg takut tu ..takut urg shore lve nda naik kekapal lagi…mcm ada kes baru ani urg nda naik kkapl masa shore lve..,abar nya anak buah tuan aji B.kenapa nda kamu ambil tindakan??karang urg cuti sakit kan kana putung gaji..baik urg atu bujang ..mun bkeluarga siapa kan membagi makan???kau!!!iatah urg opis ni ko ani iatah ko ia2 kan atu..mun nda pun kalo urg kapal kuncu2 durg atau ada kali keluarga mu d opis ah ia tah ko lwan kan atu..sejak BGC mengambil alih ani bnyk jua anak2 buah durng di masuk kan nya keraja..bukan nya kan memilih lagi urg atu bpengalam kah keraja nda kah..yg penting anak buah nya anak kwn nya bf nya bakal laki nya ehh d bagi keutaman tuu..kediaku ani salah sorg urg lama d BST…dulu time BST maseh menguruskan bah ..pun tah jua opis damit pekerja mengurus crew 2 3 urg …selamat jua kami teurus jua gaji apa..putung gaji ani nada ni..durng pulang ingau kan kami..kalo ke oopis paking ahhh kan minta tuu tiket ahhh kan d klem blk..atu baru yea kasih kah pekerja..bukan nya kan manja ni..kami bah bkorban tuk bisdia..tinggal kan anak bini..indung adi beradi apa…mun ada apa2 d brunei bah indung sakit kah apa kah ..ukan nya kan ingau kan mengantar kami balik..takut pulang durng kan mengeluarkan usin…aku balik2 dah men dangar ada yang inda sampat menunduki indung nya apa…cuba ko!!!indung mu mati!!!ko d kpl nda kana antr balik apa rasa nya!!nada urg kan menunggu ko balik baru tah kan kuburrr…baik jua bukan aku yg kana..bukan jua kan minta2 mun aku kana bukan nya kan ambung ..nda dung mengantr balik pandai ku sendiri menulus ke airport tuu.pasal kami menunggu di sini ..kalo ada rejiki arah lain insyallah andang kami pakat kan jua udah kan lari dari sini ahh…ambil tah saudara mara kamu ah bekeraja di sini ah..kami meliat singan mana tahan nya..kami pun alum jua lama bnr di BST ani baru jua kan masuk 6 ke7 taun udah .kediaku pun mls bnr nya kan bkurapak d sini ani sangal saja.. p kan hal nya jua ko ani wang..kalo udah salah atu mengakun saja..apa yg kana ckp kan atu ambil tah saja kalo nda suka pun jan pulang d ambil..pesanan ku arah urg yg kana putung gaji nya atu tampa sebab..jangan duduk saja n bkurapak di sini ..aga di sana ah..tani ada undang2 bah..p mana2 urg yg kana putung gaji pasal ulang nya sendiri jan pulang tasi2 jua kan mengomplen..urg2 BGC usahkan tia seblum urg brunei bnyak beranti..gara2 ulah kamu..pada tuan aji..jan lalai mengambat kayu golf saja…perihatin deh sedikit kan urg brunei ah..mun miani miana kan urg tani maju n tahan bkeraja..mun biskita mcm ani..ani bkan kah membagi malu ni..cmpny shell yg lain meliat n mendangar.lain kali pikir dulu sblum bckp wang/dang kaarng kana timpalaki saja,ok wsalam
By cbadang on Nov 20, 2008
banar juaa~~~ siapa banarnya biskita ani kan~~~
By hamba BGC on Nov 21, 2008
kenapa hamba BGC kan tau kami ani supaya kan kana block lagi gaji kami dlm erti kata lain kana putung gaji ikut suka ati kamu…..!kamu anibekelulusam saja…tinggi…kami.org crew nda pulang brapa kelulusan..bahasa english pun english kapal…sesuai udah tuk kami tu…tpi kami nda bodoh….pasal blok gaji nai…mana itam putih kamu…siapa yg meluluskan blok…gaji…mana tia gaji org kana blok..bla d minta surat itam putih nda ada…mana bule catu..nampak jua sudah kelemahan kamu.bila kami tanya sal bonus,gaji,elaun…ngapa nda sama mcm shell?penjawap GM,sheel atu lain ani bgc…sepatut nya kalo kn mau bgc lebih baik pada shell…buat lah improvement…baru jua ratus org crew udah tah kamu nda tekabir..ani kan membagi pujian byk2 pada org yg handle kami dul..mcm kajah NORLIA,HJH HASMAH,n c LISA…dorang 3 nganya handle kami…tekabir jua dorang…kamu kn tau sal apa…dorang ikut guideline shell…n dorang byk belajar dari org kapal jua…kamu baru jua kn handle kami…udah tia kamu ngada2…cubatah pikir sebelum membuat apa2 anii…contoh nya tym forum..ngapa GM inda datang…sedangkn ia punya programme…pas buat sesi soal jwb..bila d tanya nda tejawab…d jawab dgn jawapan paloi..:kami ani company baru:…tau udah nada pengalaman belajar lah dari org kapal kh…bagus nya belajar dari shell…ani ego tap nda tekabir….sedang kan IMR d uk bah…semua dorang atu org bakas kapal…mcm captain chief engineer…bukan nya jaguh main golf dorang atu…kepada pembaca yg setia kan membagi contoh….dan rakyat brunei pikir2 kan lah…contoh nya.,ORG BEKELULUSAN TUKANG JAHIT TAP KANA SURUH JAD GM CIVIL ENGINEER…menganakah tu..sama jua mcm kamu anii..sorang nada d ofis atu yg ada pengalaman sal system perkapalan…cana tah masalah ani kan selasai…bila kami ke ofis ckp lain…sedang kan kami bekeraja d kapal…kami bukan mengikut sistem bgc..kami mesti ikut sistem kapal…dari IMR…tap kamu nda tau apa2 apa yg ada d kapal…nganya tau becakap aku pun pandai…pikir2 kan tah kepada semua pembaca HYM ani..pcly mana yg ada adi beradi nya keraja sini..anak2 biskita ..saudara mara kita..bukan nya kami ani kan membuat cerita..tapi kalo nada masaalah ani dari BGC nada kami kan bising mcm ani..kami tinggal kan anak bini keraja kan mencari usin bah ukan nya kan bkeraja FREE..mun kan mau FREE beranti kan tia kami ahh mengambil lagi kamu pekerja baru yg mau keraja FREE.~!!so jangan tah kan bcakap BGC ani bnyak membuat perubahan yg baik..perubahan yg nda baik ada..kontrek bisai2 kamu ubah2 suka2 hati kamu…ehh sadang tah ehhh…bkurapak ku di sini nda jua kamu meliat urat ku timbul..rusak saja comp tu jadi mangsa keadaan..sebaik nya aDA KAN TIA PERJUMPAN BASAR2AN ANTARA CREW SAMA URG BGC AH>>tantu !to BST plz tolong kami!!jangan diam saja.nda bnyak kami minta kami mau keadilan saja.biar kami dapat membuat jasa arah negara nusa dan bangsa.to GM BGC pun jua ada ADIberadi di jabatan kerajan memigang jawatan tinggi kira dapt cover kita..negara ketani ada undang2 pun tah jua ia memigang jawatan tinggi p nda jua ia kan mengadai kan keraja nya ganya kan menutupi adi beradi nya..so sblum kes ani bepanjangan baik tah baiki BGC ah..stress kamu gnya kan kamu pikir kan stress urg kapal..stress keluarga urg kapal nda kamu mikir kan!mun kamu stress balik ke rumah jumpa anak bini/laki kamu ilang stresss.dpt lagi bjalan2 membuang stress..ni nah urg kapal ah kalo stress d mana kan dii tuju??!terajun kelaut ganya kali..??so jangan pikir stress kamu atu ganya ,kanang2 jua urg d kapl n keluarga kami yg menunggu kami di darat.bah makin lama makin damit dah screen ani peliatan ku…*mode HULK*
w’salam
By pelaut2 yg setia_BST on Nov 21, 2008
Eh…hadang tah! Inda tahan beranti….banyak lagi keraja arah lain ahhh….mana2 yg pengalaman udah 6-7 tahun atu apa lagi…lari lah! Tahun dapan 22hb Febuary 2009 banyak yg abis contract tu….terutama sekali yg 1st intake ah…bah jgn lalai jgn d sambung cari tah arah lain….inda payah tuuu! Banyak lagi company lain yg kan mengambil tu…asal inda memilih…gaji damit plg….TAPI SANANG HATI…INDA MAKAN HATI BEULAMKAN JANTUNG…!!Go…BGC Go…!! BGC = Bruneian Gerenti Cabut…! BST = Bedukang Saja Tahan…!
By cONGO on Nov 22, 2008
assalamualaikum…bah bgc…sadar2 tah kamu…pikir2 kan dgn kebolehan kamu…ahhh…lau rasa nda ddapat handle orag kapal suruh tia org lain…mcm mana jua kan dapat…semua org d ofis atu bukan org kapal..n GM nya atu pun nda tau pasal kapal…cana kn manage kami..tolong deh kami ani cari orang yg bule manage org kapal…dulu nda jua cani..makin lama makin TERUK..bukan nya makin maju ..wasalam…
By thinker on Nov 22, 2008
assalamualaikum….kamu yg patut ber istigfar…org bgc…apa pemandai kamu…apa pengalaman kamu.tau ku orang ofis pulang tu membuat d atas ahh…sal cerita nya sal ofis atu wahhh.tau ia kan selok belok ofis ahhhh…apa tau mu sal fitnah ani…bukan nya fitnah tu…banar tu ckp org ahh…n bukan nya org kapal tu membuat….lurus tu adi beradi nya…ni nah org kapal membuat..jan ckp nda tantu ani…kan cerita org kapal…kan suruh org kapal beranti lau nda tahan…udah org kapal branti sibuk kamu..itu lh inilh..jan tah branti.dalam hys ani sekati kamu beckp.cubath bepikiran sikit.apa org buat atu ambil positif bah.ani d balas balik marah2.nampak tah kamu atu nda berakal.kontrak sekati kamu ngubah…mcm rojak udah kontrak kami ahh..sama tah jua perangai kamu d ofis atu nda be sistem.ngambil org kraja krg yg nada pengalaman..pas atu branti nda tahan.alum lag sampai sebulan.rupa2 nya saudara nya..padan tah ia dapat kraja ani.nda org kan branti lau org atu banar2 kan kraja.apatah lag yg ada tanggungjwb.kami bukan nya org sanang..kan branti sekati2.mun ad kraja lain menyambut jan tah kamu watir.walau pun gaji damit.janji hutang abis n ati sanang bekraja.gaji basar pun management nda bagus.mun future kami nada utk apa.future atu penting..bukan selama nya kami bujang.mau jua kami kn nguruskan keluarga.bah wasalam..
By typhoon on Nov 22, 2008
Hehehe pandai ko istigfar .. memang ko ani orang office ni, baru tah ko tau.. kamu di BGC atu talur.. Iatah mengasuh ayam bertalur tah kamu lagi.. iatah tu menyeksa orang saja.. Forum & rules malar tukar tukar VERBALLY lagi tuh. Nada itam putih iatah mandai kamu tuuu… Bajingan Loh!
By Mambang BGC on Nov 26, 2008
assalamualaikum. aku ani org kapal. kraja kapal. kraja sebelum ada BGC. sebelum ada problem lah. problem nya atu = BGC plang.
kana FITNAH kh org BGC ani? sian jua ah.. bh jgntah takut plang kalau kana FITNAH maknanya nda banar tuduhan bnyak2 atu, so nda payah takut lah lau ada ROMBAKAN KABINET kah lawatan mengajut kah, pasal semua komplen atu KONONNYA FITNAH. jgn kmu sibuk2 eh membuat persiapan itu ini
nda semua kmu atu buruk/nda baik, ada jua yg baiknya. kmi akui jua tu. tpi lampau bnyak bah kelemahan kmu atu iatah membarinya yg baik atu nda lagi nampak wah masa ani. aku kan tanya bah, mana tia sikap PROFESSIONAL org BGC ani? sukati sukati nukar2 policy and contract at anytime they want wenever they want. MANA ITAM PUTIH NYA?? kepada org BGC yg rajin me-reply arah HYS ani, besar kemungkinan durng ani me-reply time kraja d opis ni! mmmmm anu ah, org BGC, buat kraja bah time kraja ani, bukan nya kn surfing atau me-reply HYS ani!!! makan gaji buta kah kamu ani?? tau kah apa hukum nya makan gaji buta ani? tau kah duit haram dri gaji buta atu jadi daging? nanti kamu beranak pinak krg, hasil dri duit haram atu jua tu! besambung jdi daging anak kmu. so baik tah kraja bisai2 & lgi satu DATANG KE OPIS ATU AWAL2 BUKANNYA PUKUL 9AM ATAU DTG SEBELUM BOSS BASAR KAMU ATU KN DTG BARU KMU DTG! setau ku opis kerajaan ani start kraja 7.45am atau pun 8am. pernah ku ke opis kul 8.30am, SUNYI bah opis BGC ah!! penyambut tetamu ganya ada! atu pun bepanggil! menunggu durng dtg tah ku pulang d sana ah, utk kn beurusan. udah tah catu, udah siap urusan, ada lgi tu bru tah dtg bah c dyg ah.. kul 9am bru tia kn paking? CEMANI KAH STAIL ORG GOVT KRAJA? CANI KAH CARA ORG ISLAM KRAJA?? bukan aku sorang sja kana cani, org lain pun jua pernah dtg awal sama jua ceritanya.
pasal ITAM PUTIH ani yg membari sedih. BANYAK udah yg kana. ada org tukar jawatan, so patutnya sain contract dulu before kraja/naik kapal. tapi slalu ku dangar cerita KELUHAN durng. kana PAJAL naik kapal buat kraja jawatan baru tapi gaji durng masih gaji jawatan lama yg randah. ada yg sampai betahun bah kana buat cemani. kraja jawatan lain tpi gaji randah, gaji jawatan lama. janji durng (janji melayu lah biasa lah main mulut ganya) akan d bayar tu gaji ah tapi udah menyain krg contract yg spatutnya lama udah d sain atu, ILANG tu gaji yg spatutnya d bayar ah. kebanyakannya kana bayar SEPARUH sja DARI HAK nya. patut kan tu?? mentang2 org atu mau ikut arahan, sanang2 kamu palui2kan kedia cematu? cuba kmu d buat cematu, iski kamu ka?? APA KOMEN ORG BGC SAL HAL ANI?? GERENTI KN KOMEN “SYUKUR TAH KANA BAYAR SEPARUH DRPD NDA KANA BAYAR LANGSUNG!”. inda ja??
jadinya sampai bilatah kmu kn memakai alasan OFIS & MANAGEMENT KAMU ATU MASIH BARU? 3 tahun labih udah prasanku. masih BARU ka tu? mcm tah management kmu atu baru kana cipta?? nda dpt ikutkan sistem arah shell atau belajar dri durng ka? atau kmu andang nda mau belajar? pasal apa nda kmu mau ngikut pengurusan yg bisai atu kn?
pendapatku (aku tau kmu inda peduli pendapat ku yg nda seberapa ani & inda PROFESSIONAL mcm kamu atu), projek mem-brunei kan kapal brunei ani TIDAK akan sukses. kalau pun ia akan sukses, akan mengambil masa BERTAHUN-TAHUN-TAHUN-TAHUN lagi kalau prangai dan etika kraja org BGC masih cemani..
SEBAB UTAMA org kapal bnyak branti iatah pasal pengurusan BGC yg terlampau ‘professional’ ani lah.
By org kapal on Dec 2, 2008
Mana kontrak kami yg baru?kn abis udah ni,uja jua kan di beri permanent kami ani,nda jua ada,meeting2 nda brabis org di ofis ani,meeting kan mkn ni,haha,awu bkn kn berhutang menyambung kontrak ani,tapi iatah ganya keja yg paling batah ku pegang,walau jauh dari keluarga,indung meninggal aku di kapal,bini beranak aku di kapal,anak start sekolah aku di kapal,keja ku jadi kuli nda ku penah komplen,dari bsm sampai ke bgc udah ku taat setia ni,cuti skjap naik jua ku walau ada hal penting bla kamu suruh naik,awu nda kan mengenang pengorbanan crew2 dkapal bst/bgc benar kamu ani.sedar2 tah,nda ada kami berkeja sebagai crew dkapal ani,nda sukses projek utk org brunei ani.bah terima kasih bla nya faham,jgn kan mgambat bola golf sja tuan aji,jlnkan tah tanggung jawap kita atu sebagai ketua,jgn mnyuruh org brdoa sja bla nda ada usaha dari abiskita.
By Kapal 8 buah on Dec 3, 2008
menganjung jua goodMAXX ah sadang2 jua menganjung ane tau lah urg opis atu siapa kuat menganjung durang bgi pangkat tu laju durang mempromote tu fham…….fhamm sja antar nasi katok udah tia kana promote trg B…….sapa tu nah ,wahai anak2 kapal tani ani ukannya bgc tpi bst kali ahh .atu baru nasi katok alum lgi kna hantari emas ntah2 tarus kawin kali ea……
By yakuza 2008 on Dec 4, 2008
BGC****Brunei ganjung club*******auu ahh banar jua siapa sbnarnya biskita ane knn…….
By Kanai street on Dec 4, 2008
auuuu……..banar tu ehh
By Kanai street on Dec 5, 2008