SIAPA YANG DIPERSALAHKAN

Amba ani tinggal di jalan 2, kg perpindahan Lambak Kanan Berakas kan mengomplen sal jalan raya arah kami yang berhampiran spg diantara simpang 21 sama simpang 26 atu rusak teruk pasal 6 bulan yang lapas kana kurek oleh kontraktor, nda tau apa kan diusainya, brangkali mengganti kabel eletrik kali tu?, tapi lapas atu jalan yang dorang kurek atu nda ditambalnya balik, dibiarkannya tia terbiar camatu sampai banyak kereta orang yang lalu disana atu melagur olehnya termasuk kereta kami sendiri.

Cuba tah deh pihak yang bertanggungjawab atu, cuba check siapa yang mengarahkan untuk membuat keraja-keraja di jalan 2 diantara simpang 21 sama 26 atu, siapa juruteranya? siapa kontraktornya?

kepada ketua kampong yang menjaga keamanan kampong ani, cubatah deh besiar-siar sekali sekala makan angin arah jalan kami ani, cuba liat banar-banar jalan raya arah kami ani, enam bulan udah nie kereta kami hari-hari melagur…. jangan duduk ganya di dalam rumah, sudahtah dirumahnya atu mengharapkan pembantu rumah menguruskan / melayan anak buah kampong datang, amah nya ani lagi macam si taie kucing tia jua, ia pulang labih-labih cakapnya, marah-marah lagi tu, brigali usulnya… nah panjang tia pulang teks ku ani sampai ketua kampongpun nda pedah-pedah tekandung. apanya peribahasa kontraktor membawa lumpur, ketua kampong pun ikut terpalit.