KISAH PELAYAN NASI KATOK 24 JAM DI BANDAR

Assalamualaikum
Ku kan cerita sedikit tentang Restaurant Nasi Katok yang beroperasi 24 jam dikawasan Bandar. Kisahnya terjadi 2 hari lepas. Kami 4 orang semuanya. Waktu kami duduk kan makan, batah menunggu durang kan melayan. Asyek2 durang ani tejalan sana, tejalan sini. Padahal indada beorang. Kami ganya dan ada jua securiti duduk diluar sama kawannya. Tapi minum jua durang udah. Pelayan ani benyanyi lagu Philipine tah pulang. Cubatah jangan CAMAH MATA. Kalau meliat pelanggan atu, tarustah layan. Ani, menyanyi tia pulang dulu. Walaupun kan menyambut Krismas. Mun lawa suara atu nda jua mengapa. Ani macam BULUH LATAR. Sudah batah kami menunggu, sekali ada tia pelayan Philipine ani, Damit-damit tubuhnya. Macam orang baru usulnya. Tapi lagak mengada-ngada. Kami mengodar nasi katok 2 buting. Teh tarik sajuk 4 buting dan air sejuk 2 buting. Ok ditulisnya. Sambil-sambil menunggu odaran kami datang, kami perhatikan gelagat-gelagat pelayan-pelayan Philipine ani. Pelayan yang labu-labu parutnya atu malar lirik-lirik arah kami. Kenapakah ya? Tahan sekajap, besigup tia. Buleh kah tu? Besigup dalam Restaurant? Macam inda selisa kami disana ah. Sambil ya besigup, sambilnya mengira-ngira. Ada lagi yang Philipine bini-bini tua atu marung semacam. Matanya lagi jaling-jaling. Macam tah kami ani kan mengurat kedia. Diam-diam ja kami malam atu. Udah atu datang tah odar-odaran kami nasi katok. Sekali dibaginya 4 buting. KELINGARAN PAKAH? Kata kami 2 saja. Marung tia menggambil balik 2 buting ani. Sambilnya cakap Philipine. Apakah yang dicakapkan nya atu? Kami minta air sajuk 2 buting. Sampai KIAMAT kami menunggu, INDAHAAADA. Teh tarik chair saja yang ada. INDA KAMI TEMINUM TEH TARIK NYA AH.

Sekali ada tia dua orang laki-laki bangsa Philipine masuk. Bisai bah layanan PELAYAN-PELAYAN ah. Laki-laki Philipine atu mengodar nasi katok. Dengan sekelip mata, ada nasi durang ah. Boyfrendnya kali. Bisai lagi ayamnya 3 buting seorang. Minuman durang sekaligus dengan air sajuk.

Lapas makan tiba masa membayar. Adakah patut dichargenya nasi katok 4 buting? Kalau seorang casher yang berdidikasi lah ah. Nampak jua apa yang kami makan didapannya atu. Inda jua jauh counter dengan meja kami makan. Sudah pun ku bagi tau nasi katok 2 buting, masih jua dikirannya $4 ringgit. Sangal ku udah kan makan disana atu. Barang kali iatah kali terakhirku makan disana. Kata kawanku, barangkali sengaja dichargenya labih. Pasal ia kan membayarkan boyfrendnya yang dibaginya ayam 3 potong seorang ah. Sekian, Wassalam.